Rrëzoi aeroplanët rusë, ky është droni detar i Ukrainës që bëri histori
Nga OraNews Përditësimi i fundit 4 Maj 2025, 19:21
Ukraina rrëzoi dy aeroplanë luftarakë rusë që u dërguan për të kapur dronët e marinës ukrainase në Detin e Zi.
Siç raportohet, bëhet fjalë për një lloj droni të armatosur detar deri tani i panjohur që përdor raketa amerikane Sidewinder. Dhe këta janë aeroplanët e parë luftarakë në histori që u shkatërruan nga një dron detar.
Sipas deklaratave të kreut të shërbimit të inteligjencës ushtarake të Ukrainës, gjeneral kolonel Kirill Budanov, si dhe presidentit Volodymyr Zelensky, sulmi u krye nga forcat ukrainase duke përdorur një version të ri të dronit Magura.
Është hera e parë që ky variant prezantohet për publikun. Magura V7 është afërsisht 8 metra i gjatë.
Edhe pse ende nuk është konfirmuar nëse mund të mbajë lloje të tjera armësh përveç raketave Sidewinder, duket se është modular dhe i përshtatur për misione të ndryshme.
