Antonio Banderas merr pjesë në ritualet e Kishës San Juan, këndon dhe bën thirrje për solidaritet (VIDEO)

Nga OraNews Përditësimi i fundit 16 Prill 2025, 16:58

Antonio Banderas bëri një pushim nga detyrimet e tij profesionale dhe udhëtoi, si çdo vit, në vendlindjen e tij, Malaga të Spanjës, për të marrë pjesë në ritualet e Javës së Shenjtë. Si një anëtar aktiv i Vëllazërisë së Lotëve dhe Përfitimeve, i veshur tradicionalisht me tunikën e tij, Banderas u gjet të Dielën e Palmës në kishën e San Juan, ku u pagëzua dhe qëndroi përballë shtatores së Virgjëreshës Mari, duke kënduar, ndërsa nuk e fshihte dot emocionin në momentin e përkushtimit.

Aktori 64-vjeçar foli më pas për mediat lokale se si duhet të jetë Java e Shenjtë në shekullin e 21-të dhe bëri thirrje për solidaritet: Unë gjithmonë them se është Java e Shenjtë, Solidariteti. Kjo është Java e Shenjtë e shekullit 21. Jetojmë në një botë shumë komplekse dhe duhet të ndihmojmë nga çdo pozicion. Ne i dimë problemet e njerëzve. Aty ku organizatat publike nuk mund të arrijnë, ne mund t'i arrijmë.

Aktori i njohur ka dashur të përcjellë atmosferën që mbizotëronte në tempull duke postuar një video në llogarinë e tij personale në X: Zemër vëlla, jemi të bashkuar.