Trump i pakënaqur me portretin e tij në Kolorado Kapitol: Më e keqja që kam parë ndonjëherë!
Nga OraNews Përditësimi i fundit 24 Mars 2025, 09:57
Presidenti amerikan, Donald Trump shprehu pakënaqësinë e tij në lidhje me portretin e tij zyrtar në Kapitolin e Shtetit të Kolorados. Trump e ka përshkruar atë si portretin më të keq që ka parë ndonjëherë.
Siç ka përmendur në postimin e tij, portreti i vendosur me iniciativën e guvernatorit bashkë me të gjithë presidentët e tjerë është deformuar qëllimisht tiparet e tij. Trump pohoi gjithashtu se artistja që krijoi veprën kishte krijuar më parë një portret të Barack Obamës, të cilin ai tha se ishte "i mrekullueshëm", duke sugjeruar se cilësia e punës së saj ishte përkeqësuar me kalimin e kohës.
“Më mirë të mos e kisha fare portretin tim sesa ta kisha këtë”, vuri në dukje presidenti, duke theksuar se ka marrë telefonata dhe letra të shumta nga qytetarë të Kolorados që protestojnë për projektin specifik.
Duke iu drejtuar guvernatorit të shtetit, Jared Polis, të cilin ai e përshkroi si një "radikal të majtë" dhe "jashtëzakonisht të dobët për çështjen e krimit", Trump bëri thirrje që portreti të hiqej.
Nobody likes a bad picture or painting of themselves, but the one in Colorado, in the State Capitol, put up by the Governor, along with all other Presidents, was purposefully distorted to a level that even I, perhaps, have never seen before. The artist also did President Obama,… pic.twitter.com/NIUxU4Ybu8
— Donald J. Trump Posts From His Truth Social (@TrumpDailyPosts) March 24, 2025
