VIDEO/ Tre të lënduar në Beograd, makina përplaset me pjesëmarrësit në protestë
Nga OraNews Përditësimi i fundit 15 Mars 2025, 13:39
Tre persona u plagosën në Beograd ditën e sotme kur një makinë u përplas me një turmë protestuesish që po shkonte drejt Parlamentit. Sipas Ministrisë së Brendshme të Serbisë, policia arrestoi shoferin 50-vjeçar, i cili dyshohet se i bëri rezistencë arrestimit.
“Personat që u goditën në zonën e Belë Vodës ishin dy gra dhe një i ri, të cilët janë kontrolluar në urgjencë. Pas diagnostikimit të plotë janë konstatuar lëndime të lehta trupore”, njofton zyra e shtypit e ministrisë, duke theksuar se po vijon bashkëpunimi me prokurorinë për zbardhjen e rrethanave të aksidentit.
Studentët protestues dhe mbështetësit e opozitës u kanë bërë thirrje pjesëmarrësve të demonstratës që të mblidhen pasditen e sotme para ndërtesës së Kuvendit. Demonstrata nuk ishte miratuar nga autoritetet e Beogradit.
???????? A car drives into a crowd of people in Belgrade Serbia, leaving 3 injured
— Voivod (@voivodmedia) March 15, 2025
A massive anti-government protest is taking place in Belgrade right now with up to 250,000 expected participants pic.twitter.com/VAi4dGT2up
