''Ka përpjekje për të orientuar debatin tek bizhuteritë e veshjet'', Çollaku: Inceneratori dhe ''5D'' e presin Veliajn në qeli
Nga Lili Saraçi Përditësimi i fundit 21 Shkurt 2025, 09:57
Gazetari, Basir Çollaku në një intervistë në Ora News u shpreh se janë dosje të tjera që e persin Erion Veliajn në qeli dhe se ka një përpjekje për të orientuar debatin tek historitë e bizhuterive dhe veshjeve.
Çollaku: Rama u prezantua njëherë si kryebashkiak por edhe drejtues i funeralit politik të Veliajt duke ndarë urdhërat me të që ai të merret me ngarkesën e tij penale.
Por njëkohësisht kishte edhe mesazhe të tjera të dhunshme do thoja publike.
Të detyruar për shkak të punës, kjo është një trysni e presion i jashtëzakonshëm.
Qëndrojnë në ato temperatura thjesht për tekat e kryeministrit, ka të gjithë qasjet e elementëve të veprës penale të konsumuar në fushatë elektorale.
Ajo platformë e SPAK e ngritur që gjoja duhet të parandalojmë krimet elektorale, dje u dëshmua si prove e gjallë në sheshin ‘’Skënderbej’’ aty ku ishin mijëra vetë të thirrur ushtarakisht nga kryeministri.
Kjo është një emergjencë për ti thënë atyre ligjëruesve ja ku e keni provën dhe njeriun që shkel çdo ligj e kod në vend.
Kontrolli dhe ndikimi i kryeministrit mbi prokurorinë e posacme është i pranishëm dhe është prezent.
Ne kemi grupe kriminale në ministri e bashki.
Opozita po përballet me ekipe kriminale.
Edhe në rastin Xoxa-Veliaj është një regji mediatike e cila përqëndrohet tek ato shpenzime që vërtet janë vepër penale dhe pjesë e asaj dosjeje ku ka ngjarje të rënda, shumë veprimë të dënueshme nga e bashkëshortes por edhe kryetarit të bashkisë.
Aty janë dosje të tjera që e presin Veliajn në qeli.
Është Inceneratori, është ‘’5D’’ dhe ka një përpjekje për të orientuar debatin tek këto historitë e bizhuterive dhe veshjeve.
