FAO: Sot, Dita Ndërkombëtare e Bishtajoreve

Nga OraNews Përditësimi i fundit 10 Shkurt 2025, 11:41

AO, Organizata e Kombeve të Bashkuara për Ushqimin dhe Bujqësinë e ka shpallur ditën e sotme si Ditën Ndërkombëtare të Bishtajoreve, duke i vlerësuar ato si shumë të rëndësishme për biodiversitetin në sistemet agroushqimore.

Bishtajoret janë të mbushura me lëndë ushqyese dhe kanë një përmbajtje të lartë proteinash, duke i bërë ato një burim ideal proteinash veçanërisht në rajonet ku mishi dhe qumështi nuk janë fizikisht ose ekonomikisht të aksesueshëm.

Bishtajoret kanë sasi të ulëta yndyre dhe janë të pasura me fibra të tretshme, të cilat mund të ulin kolesterolin dhe të ndihmojnë në kontrollin e sheqerit në gjak. Për shkak të këtyre cilësive ato rekomandohen nga organizatat shëndetësore për menaxhimin e sëmundjeve jo të transmetueshme si diabeti dhe sëmundjet e zemrës.

Gjithashtu është treguar se bishtajoret ndihmojnë në luftimin e obezitetit.

Fasulet e thata, thjerrëzat dhe bizelet janë llojet më të njohura dhe më të konsumuara të bishtajave.

Për të festuar rëndësinë e këtyre kulturave të jashtëzakonshme, OKB-ja feston Ditën Botërore të Bishtajave që nga viti 2018 përmes FAO-s. Këtë vit nënvizohet roli jetik i bishtajoreve në promovimin e diversitetit – si mbi tokë ashtu edhe nën tokë.

Ato kanë veti fiksuese të azotit duke rritur begatinë e tokës bujqësore. Duke përdorur bishtajore për mbjellje dhe kultura mbuluese, fermerët mund të promovojnë gjithashtu biodiversitetin e fermave dhe biodiversitetin e tokës, duke mbajtur larg dëmtuesit dhe sëmundjet e dëmshme.