VIDEO/ Autobusi rrëzohet në një përrua në Indi, 8 të vdekur dhe 26 të plagosur

Nga OraNews Përditësimi i fundit 27 Dhjetor 2024, 19:20

Të paktën 8 persona u vranë dhe 26 të tjerë u plagosën kur një autobus u rrëzua në një përrua në shtetin verior të Indisë Punjab.

“8 persona, duke përfshirë një vajzë 2-vjeçare, humbën jetën në aksidentin e sotëm”, tha Shoukat Ahmad Parei, një zyrtar i qarkut Bathida ku ndodhi aksidenti.

Sipas tij, drejtuesi i autobusit dyshohet se kishte tejkaluar shpejtësinë dhe humbi kontrollin teksa kalonte një urë, duke bërë që mjeti të zhytej në përrua.

Policia indiane po heton për zbardhjen e shkaqeve të aksidentit.