Balluku: Unaza e Madhe e Tiranës hapet më 30 dhjetor
Nga OraNews Përditësimi i fundit 27 Dhjetor 2024, 12:29
Punimet në të gjitha kantieret e Unazës së Madhe të Tiranës po avancojnë dita-ditës dhe pritet që më 30 dhjetor ajo të jetë e hapur në të gjitha lotet.
Zëvendëskryeministrja, njëherësh ministre e Infrastrukturës dhe Energjisë, Belinda Balluku inspektoi sot punimet në lotin 5 të Unazës së Madhe të Tiranës.
Zv/kryeministrja Balluku bëri të ditur se zona ku kalon kjo autostradë ka pësuar një rritje të aseteve të paluajtshme dhe sot edhe mënyra e planifikimit dhe e ndërtimit është e njëjtë me atë të qendrës së Tiranës.
“Unaza, aksi që rrethon Tiranën 360 gradë, hapet më 30 dhjetor”, bëri të ditur Balluku.
Unaza e Madhe e Tiranës është një vepër e rëndësishme për banorët e kryeqytetit, por edhe për të gjithë udhëtarët shqiptarë dhe të huaj. Ajo përbën një segment prej 27 kilometrash të gjatë.
Përfundimi i saj lehtëson trafikun brenda Tiranës, ndërsa e lidh kryeqytetin me të gjitha rrugët dalëse kombëtare.
