Tragjike në Itali/ Pema e zuri poshtë, ndërron jetë 45-vjeçarja, shpëtojnë mrekullisht 3 fëmijët e saj
Nga OraNews Përditësimi i fundit 23 Dhjetor 2024, 16:53
Një 45-vjeçare ka gjetur vdekjen në Itali, për shkak të rrëzimit të një peme, e cila e ka zënë poshtë.
45-vjeçarja e vrarë nga një pemë në Romë, ndodhej në park me tre fëmijët e saj, teksa ndodhej e ulur në një stol aty pranë.
Gruaja ka ndërruar jetë menjëherë, ndërsa një tjetër është dërguar në spital në gjendje të rëndë.
Tre fëmijët e gruas nuk kanë mbetur të lënduar dhe i janë besuar përkohësisht një të njohuri të viktimës.
Kryetari i bashkisë së Romës, Roberto Gualtieri, shkoi në poliklinikën Umberto ku ndodhet në spital gruaja e plagosur rëndë nga rrëzimi i një peme në parkun Livio Labor në Romë.
Prokuroria e Romës ka nisur hetimet për vdekjen e 45-vjeçares së vrarë nga një pemë e rrëzuar në parkun ku ndodhej me tre fëmijët e saj, të cilët mbetën të padëmtuar.
