PAMJE/ Autori i maskuar e priste jashtë hotelit, ekz*kutohet kreu i kompanisë më të madhe të sigurimeve në SHBA
Nga OraNews Përditësimi i fundit 4 Dhjetor 2024, 18:01
Kreu i kompanisë amerikane të sigurimeve “UnitedHealthcare” është vrarë me armë zjarri në New York.
Brian Thompson u qëllua për vdekje të mërkurën jashtë hotelit “Hilton” në Manhattan ku ishte parashikuar të fliste në një konferencë investitorësh.
50-vjeçari është dërguar në spital dhe aty ka vdekur. Autori i dyshuari është larguar nga vendi i ngjarjes.
Thompson duket se ka qenë shënjestra e sulmit, pasi autori i dyshuar ka qenë i maskuar dhe e ka pritur jashtë hotelit me, ka thënë policia.
Mediat amerikane kanë publikuar edhe disa imazhe të autorit të dyshuar, i cili qëllon me armë zjarri ndërsa në kurriz mban edhe një çantë. Dëshmitarët thonë se pas krimit, autori është larguar me biçikletë.
“UnitedHealthcare” është kompania private më e madhe e sigurimeve në SHBA.
