SHBA, ndihmë ushtarake Ukrainës/ 725 milionë dollarë për sistemet kundër dronëve dhe municione për raketat e artilerisë së lartë
Nga OraNews Përditësimi i fundit 2 Dhjetor 2024, 17:33
SHBA po përgatitet t'i dërgojë Ukrainës një ndihmë ushtarake prej 725 milionë dollarësh, duke përfshirë sistemet kundër dronëve dhe municionet për sistemin e saj të raketave të artilerisë së lëvizshmërisë së lartë.
Një vendim i tillë nga administrata Biden, tregon se më shumë nga raketat me rreze më të gjatë veprimi, janë drejtuar në fushën e betejës.
Dy zyrtarë amerikanë nuk konfirmuan nëse municionet për HIMARS janë ATACMS-të e lakmuara – Sistemi Raketor Taktik i Ushtrisë – por Ukraina ka bërë presion për më shumë raketa me rreze më të gjatë, për të goditur objektiva shtesë brenda Rusisë.
Zyrtarët folën në kushte anonimiteti për të diskutuar njoftimin, përpara se të bëhej publik.
Paketa përfshin gjithashtu më shumë mina tokësore kundër personelit, në të cilat Ukraina po mbështet për të ngadalësuar forcat tokësore ruse dhe koreano-veriore në rajonin e Kurskut.
