Matt Gaetz u tërhoq nga kandidatura për prokuror të përgjithshëm/ Reagon Donald Trump: Ai po bënte një punë shumë të mirë, por...
Nga OraNews Përditësimi i fundit 21 Nëntor 2024, 20:31
Presidenti i sapozgjedhur Donald Trump ka reaguar në lidhje me tërheqjen e të nominuarit të tij për prokuror të përgjithshëm, Matt Gaetz. Trump përmes një postimi shkruan se i vlerson shumë përpjekjet e fundit të Matt Gaetz për të marrë miratimin që të bëhet prokuror i përgjithshëm.
“Unë i vlerësoj shumë përpjekjet e fundit të Matt Gaetz për të marrë miratimin që të bëhet prokuror i përgjithshëm. Ai po bënte një punë shumë të mirë, por, njëkohësisht, nuk donte të ishte problem për administratën, për të cilën ka shumë respekt. Matt ka një të ardhme të shkëlqyer dhe mezi pres t’i shoh të gjitha gjërat e mëdha që ai do t’i bëjë”, shkroi Trump në Truth Social.
Gaetz raportohet se kishte njoftuar paraprakisht Trumpin se do të tërhiqet nga nominimi pas presionit të publikut. Ai ka qenë nën hetime nga Departamenti i Drejtësisë për një periudhë afërsisht tre vjeçare me akuzat për trafikim seksual që përfshijnë një vajzë 17-vjeçare. Ai mohon akuzat dhe nuk është përballur me akuza penale.
