Nuk jep arsye për anulimin e seancës sot, Kryeparlamentarja Spiropali ndjehet e zhgënjyer nga opozita
Nga OraNews Përditësimi i fundit 10 Tetor 2024, 09:45
Kryetarja e Kuvendit, Elisa Spiropali ka reaguar lidhur me deklarata e opozitës për anulimin e seancës plenare ditën e sotme për shkak të vizitës së presidentin turk, Erdogan.
Spiropali shkruan se ndjen keqardhje të sinqertë për komunikatën e Grupit Parlamentar të Partisë Demokratike, e cila është vazhdë e sulmeve jonjerëzore,
Spiropali: Kryetarja e Kuvendit, shpreh keqardhje të sinqertë për komunikatën e Grupit Parlamentar të Partisë Demokratike, e cila është vazhdë e sulmeve jonjerëzore, përveçse antidemokratike me këmbë karrigesh mbi të, gjatë kryerjes së detyrës.
Kryetarja e Kuvendit e fton Grupin Parlamentar të Partisë Demokratike dhe posaçërisht autorin e goditjes me këmbë karrigeje, si edhe të kësaj komunikate goditëse me gjuhën e shpifjes, të reflektojnë mbi degradimin etik që po karakterizon veprimtarinë e tyre.
Kryetarja e Kuvendit e siguron Kuvendin dhe zgjedhësit se këto shfaqje degraduese të pakicës së të zgjedhurve, as nuk e intimidojnë dhe as nuk e pengojnë dot të kryejë me përkushtim, drejtësi dhe besnikëri të palëkundur ndaj rregullave të Kuvendit, rolin e saj institucional.
