EMRAT/ Tre grabitje në 2 muajt e fundit, arrestohen dy persona që vidhnin banesat në Lushnje
Nga OraNews Përditësimi i fundit 8 Tetor 2024, 14:22
Dy shtetas që kryenin vjedhje në banesa janë arrestuar në Lushnje.
Në pranga përfunduan shtetasit Lisjen Xhaferi dje Endri Shabani.
Këta shtetas sipas policisë kanë kryer 3 vjedhje në dy muajt e fundit.
Njoftimi i policisë:
Veprimet hetimore të kryera pas kallëzimeve të qytetarëve, identifikojnë dhe çojnë në pranga 2 shtetas që kryenin vjedhje në banesa.
Zbardhen 3 vjedhje të kryera prej tyre, gjatë 2 muajve të fundit. Sekuestrohen sende me vlerë dhe shuma parash të vjedhura në banesa.
Komisariati i Policisë Lushnjë, pas kallëzimeve të marra nga disa qytetarë, se në banesat e tyre ishin vjedhur sende me vlerë dhe para, kanë organizuar punën për identifikimin dhe kapjen e autorëve.
Në kuadër të veprimeve hetimore të kryera bazuar në informacionet e siguruara në rrugë operative, gjatë operacionit "Steal", Komisariati i Policisë Lushnjë arrestoi shtetasit: L. Xh., 30 vjeç, dhe E. Sh., 25 vjeç, të dy banues në fshatin Fiershegan, Lushnjë.
Gjatë dy muajve të fundit, këta shtetas, në bashkëpunim me njëri-tjetrin, kanë vjedhur sende me vlerë dhe shuma parash në banesa të ndryshme në Lushnjë.
3 nga këto vjedhje janë zbardhur, ndërkohë po punohet për zbardhjen e vjedhjeve të tjera të kryera prej tyre.
Materialet procedurale i kaluan Prokurorisë, për veprime të mëtejshme.
