Netanyahu pritet të japë dritën jeshile për armëpushimin në Liban
Nga OraNews Përditësimi i fundit 26 Shtator 2024, 10:17
Izraeli thuhet se ka dhënë dritën jeshile për një armëpushim me milicinë shiite libaneze Hezbollah, njoftoi sot stacioni televiziv N12.
“Qëllimi është të negociohet një marrëveshje më e qëndrueshme”, raportoi N12, duke cituar një punonjës të paidentifikuar të kryeministrit izraelit Benjamin Netanyahu.
Fillimisht nuk pati asnjë konfirmim zyrtar për njoftimin. Një zëdhënëse nga zyra e Netanyahut tha se nuk ishte lëshuar ende një deklaratë të tillë.
“Bombardimet masive izraelite të Libanit deri më tani kanë rezultuar në më shumë se 600 vdekje që nga fillimi i përshkallëzimit të hënën”, tha Ministria libaneze e Shëndetësisë.
Një grup vendesh, duke përfshirë Shtetet e Bashkuara të Amerikës dhe vendet e BE-së, së bashku me vendet kryesore arabe, po bëjnë presion për ndalimin e luftimeve.
Armëpushimi i kërkuar do të zgjasë për 21 ditë dhe synon të krijojë hapësirë për një zgjidhje diplomatike të konfliktit midis Izraelit dhe Hezbollahut në Liban, si dhe luftës gati 1-vjeçare të Gazës.
Deklarata e përbashkët u mbështet nga SHBA-ja, Gjermania, BE, Australia, Kanadaja, Franca, Italia, Japonia, Arabia Saudite, Emiratet e Bashkuara Arabe dhe Katari.
