Dita Ndërkombëtare e Paqes, Begaj: Historia na njeh ne shqiptarët si paqedashës!
Nga OraNews Përditësimi i fundit 21 Shtator 2024, 10:39
Presidenti i Republikës, Bajram Begaj dha sot një mesazh në Ditën Ndërkombëtare të Paqes.
“Po jetojmë në një botë të trazuar nga konfliktet që përbëjnë kërcënime e rreziqe serioze për paqen dhe sigurinë botërore. Zhvillimet më të fundit ndërkombëtare kanë treguar se paqja nuk është asnjëherë e sigurt”, u shpreh Begaj.
Kreu i Shtetit nënvizoi se, historia na njeh ne shqiptarët si paqedashës.
“Luftërat që nuk i zgjodhëm, na kanë dhënë mësime të vyera. Le të vijojmë të shpërndajmë modelin tonë të paqes e të ruajmë kulturën e mbrojtjes së saj. Bota ka nevojë për të”, theksoi më tej Begaj.
