Draghi: BE-ja ka nevojë për ndryshim ekonomik për të rritur konkurrencën
Nga OraNews Përditësimi i fundit 9 Shtator 2024, 15:19
Ish-kryeministri italian, Mario Draghi i ka bërë thirrje Bashkimit Evropian që të zhvillojë një “strategji të re industriale” për të ringjallur konkurrencën e bllokuar të bllokut për të arritur rritje ekonomike.
Draghi e përshkroi BE-në si “të ngecur në një strukturë statike industriale” krahasuar me Shtetet e Bashkuara dhe Kinën dhe bëri thirrje për më shumë investime në kërkimin dhe inovacionin, teknologjitë e energjisë së pastër dhe vendimmarrje më të shpejtë rregullatore.
”Për të arritur një rritje të re ekonomike, BE-ja ka nevojë për investime me vlerë 750-800 miliardë euro (829-850 miliardë dollarë) në vit”, tha Draghi, ekuivalente me 4,4-4,7% të Prodhimit të Brendshëm Bruto (PBB) të BE-së në 2023.
Për të treguar shkallën e investimit dhe sfidës së kërkuar, Draghi iu referua Planit Marshall të Shteteve të Bashkuara për të rindërtuar Evropën pas Luftës së Dytë Botërore.
