Emocionet e ditës së parë të shkollës, Mustafaraj: Ja si duhet të sillemi për të menaxhuar emocionet dhe frikën e fëmijëve

Nga Lili Saraçi Përditësimi i fundit 9 Shtator 2024, 09:15

Shkollat në gjithë vendin kanë hapur të gjitha dyert për pritjen e nxënësve e mësuesve, ndërkohë që fëmijët shihen t’i drejtohen shkollave të lumtur e me lule në duar, për të filluar mbarë këtë vit mësimor.

Por si duhet të sillemi për të menaxhuar emocionet e forta të ditës së parë të shkollës?

Kësaj pyetjeje në studion e lajmeve në “Ora News” e ftuar iu përgjigj psikologia Elona Mustafaraj.

“Fëmijët tashmë nga sot nuk janë në gjendjen e tyre të zakonshme, dhe për ta është një fazë e re. Edhe në si prindër iu japim një ngarkesë shtesë emocionale.

Ndaj të gjitha sjelljet e fëmijëve në këto ditë janë mëse normale.

Që nga dembelizmi për t’u zgjuar deri tek mënyra e të ushqyerit të gjitha janë sjellje që vijnë edhe nga pjesa e frikës, që lidhet me ndarjen nga mjediset e mëparshme dhe futja e tyre në mjediset e shkollës.

Duhet të kemi kujdes të shtuar pas dy javësh pasi këto ngarkesa sa vijnë e shtohen dhe duhen trajtuar me kujdes”, theksoi psikologia Elona Mustafaraj.

Emocionet e ditës së parë të shkollës, Mustafaraj: Ja

INTERVISTA ME PSIKOLOGEN