Harris nën hijen e dështimit të Biden-it, Trump jep lajmin: Kamala refuzoi debatin televiziv më 4 shtator

Nga OraNews Përditësimi i fundit 22 Gusht 2024, 08:51

Ish-presidenti i SHBA-së, Donald Trump, pretendon në mediat sociale se Kamala Harris refuzoi një duel televiziv më 4 shtator që supozohej të transmetohej në Fox News.

“Shoqja Kamala Harris sapo na informoi se nuk do të zhvillojë debatin e Fox News më 4 shtator.

Ky zhvillim nuk më befason, ajo e di se është shumë e vështirë për të të mbrohet në rastin më të mirë”, shkroi Trump në Truth Social.

Në vend të debatit, do të ketë një “Town Hall” të Trump më 4 shtator, vazhdoi republikani.

Trump dhe Harris kanë rënë dakord të dy për një debat më 10 shtator (11 shtator CEST) në televizionin ABC. Kjo datë duket se mbetet në fuqi.