VIDEO/ Klejdi Daci e nis ''zjarr'' në Uzbekistan, ish-sulmuesi i Teutës shënon golin e tretë në dy ndeshjet e para
Nga OraNews Përditësimi i fundit 12 Gusht 2024, 18:55
Aventura e re e Klejdi Dacit në Uzbekistan ka nisur në mënyrë të shkëlqyer.
Sulmuesi i cili gjatë verës i dha lamtumirën Teutës për t’u transferuar në kampionatin aziatik, po shkëlqen që në ndeshjet e para me OKMK.
Pasi shënoi dy gola në debutim në fitoren 3-2 të skuadrës së tij ndaj Andijan pak ditë më parë, sot Dajci ka shënuar edhe në ndeshjen e tij të dytë, duke ndihmuar OKMK që të fitonte ndaj Navbahor Namangan.
Në minutën e 18 të sfidës, ai përfitoi nga një pasim i gabuar mbrapa, duke dërguar me shpejtësi topin në portën kundërshtare, për t’i dhënë ekipit të tij avantazhin e përkohshëm 1-0.
Ndeshja u mbyll me fitoren 2-1 të OKMK që tashmë është në kuotën e 29 pikëve, po aq sa Nasaf i vendit të parë që ka luajtur një ndeshje më pak.
VIDEO:
https://streamin.one/v/c0889933
