Kylian Mbappé nuk ka patentë! Gjithsesi koleksioni i makinave të tij luksoze sa vjen dhe shtohet

Nga OraNews Përditësimi i fundit 17 Korrik 2024, 12:10

Kylian Mbappe u prezantua dje si lojtari më i ri i Real Madridit, sulmuesi i kombëtares franceze tashmë është në kryeqytet, por ndryshe nga shumica dërrmuese e bashkëlojtarëve të tij, numri '9' nuk ka patentë për drejtimin e makinës. 

Klubi i bardhë ka një marrëveshje me BMW, por ylli i tij i ri nuk do të jetë në gjendje të drejtojë asnjë model të markës gjermane.

Lojtari i Paris Saint Germain mbushi 25 vjeç më 20 nëntor dhe mund të kishte patentë shoferi që gjashtë vjet më parë, pasi në Francë, ashtu si në Spanjë, ajo mund të merret nga mosha 18-vjeçare. Megjithatë ky fakt nuk e ka penguar atë të grumbullojë disa makina luksoze në garazhin e tij.

Një rast i pazakontë…

Nëse diçka është normale për futbollistët e nivelit të lartë, është t'i shohësh ata duke hipur në një makinë sportive luksoze, duke mbërritur në stërvitje ose në disa lojëra. Shumë prej tyre nxjerrin në pah makinat e tyre dhe tregojnë koleksione të mëdha, duke u deklaruar si adhurues të motorëve. Disa madje kanë pasur probleme duke tejkaluar kufijtë e shpejtësisë.

Në rastin e sulmuesit të ri të Real Madridit, këtë nuk do ta shohim, të paktën në një periudhë të shkurtër kohe, në ngarjen e një prej makinave të tij sportive. Që nga ardhja e tij në PSG, klubi parizien i dha atij një shofer për ta çuar ku të donte dhe kjo vazhdon edhe sot e kësaj dite. Ky shofer është personi që kënaqet me makinat luksoze të kampionit të botës.

Mbappé bëhet kështu një rast i veçantë në botën e futbollit, pasi gjithnjë e më pak lojtarë nuk kanë patentën e drejtimit. “Për shumë njerëz është një detyrim, por nuk ka qenë për mua, nuk ka qenë kurrë prioritet”, ka rrëfyer francezi në një intervistë. Ai siguron se kjo është një nga disavantazhet e qarta të suksesit të tij në një moshë kaq të re.

Siç konfirmohet nga disa media franceze, një nga modelet më të veçanta që lojtari ka në posedim dhe që do t'i duhet të sjellë në kryeqytetin spanjol është Ferrari 488. Ky është një edicion i kufizuar i markës italiane që doli në shitje vetëm për klientë të veçantë dhe çmimi i tij varion nga gjysmë milioni dollarë. Ky model i markës Prancing Horse ka një fuqi prej 720 HP, është në gjendje të kalojë 340 km/h dhe nga 0 në 100 shkon për vetëm 2,85 sekonda.

Nga Franca konfirmojnë se një tjetër prej modeleve më ekskluzive në garazhin e Mbappé është një tjetër i markës italiane, këtë herë Ferrari 458. Ky model vlerësohet rreth 300.000 dollarë dhe ajo që e bën të veçantë është se legjenda e Formula 1 Michael Schumacher mori pjesë në dizajnimin e tij.

Të njëjtat burime informacioni përmendin disa modele të tjera, që parizieni ka nën pushtetin e tij. Dhe sulmuesi jo vetëm që zotëron makina nga marka Maranello, por një markë tjetër që ka disa modele më të njohura është Volkswagen. Ky është një nga sponsorët e kombëtares franceze dhe nënshkrimi i Real Madridit është parë duke zbritur nga disa makina të kësaj marke. Larg makinave sportive, francezi ka edhe një Mercedes V-Class.

Kylian nuk i shijon kurrë të gjitha këto makina luksoze nga sedilja e shoferit, por në sediljen e pasagjerit ose në sediljet e pasme, ndërsa shoferi i tij privat drejton makinën. Pasi ëndrra e tij për të nënshkruar me Real Madridin të jetë përmbushur, qëllimi i radhës i '9’-tës mund të jetë një patentë për të drejtuar makinat e çmuara në koleksionin e tij.