Po mendon kthimin e përhershëm në Britani? Adele trondit fansat me lajmërimin e saj: Dua pushim të madh, nuk kam plane për muzikë të re

Nga OraNews Përditësimi i fundit 17 Korrik 2024, 12:00

Adele ka tronditur fansat pas një njoftimi të madh për karrierën e saj muzikore. Duke folur për gazetën gjermane ZDF , Adele shprehu synimin e saj për të marrë një pushim nga industria. Teksa artistja fituese e Grammy-t i afrohet përfundimit të qëndrimit të tij dyvjeçar në Las Vegas, ajo tha, "Unë nuk kam fare plane për muzikë të re".

"Dua një pushim të madh pas kësaj dhe mendoj se dua të bëj gjëra të tjera krijuese. Vetëm për pak kohë," shtoi Adele.

Adele, e cila mori një pauzë nga rezidenca e saj në Las Vegas në qershor, do të kthehet për një seri speciale prej tetë shfaqjesh në Mynih duke filluar nga 2 gushti.

“Nuk mund të mendoja për një mënyrë më të mrekullueshme për të kaluar verën time dhe për t'i dhënë fund kësaj faze të bukur të jetës dhe karrierës sime me shfaqje më afër shtëpisë gjatë një vere kaq emocionuese”, tha këngëtarja.

Tetë koncertet në Mynih do të zhvillohen në një ambient të hapur që është krijuar ekskluzivisht vetëm për shfaqjet dhe do të mbajë një kapacitet prej 80,000 personash. Krijuesja e hiteve Someone Like You do të kthehet në Las Vegas në tetor derisa qëndrimi i saj të përfundojë në nëntor. Është raportuar gjithashtu se Adele ka në plan të kthehet në Britani të Madhe pasi të përfundojë rezidenca e saj.  Këngëtarja, 36 vjeç, dhe bashkëshorti i saj tani Rich Paul, 42 vjeç, blenë  rezidencën e Sylvester Stallone në Beverley Hills prej 58 milionë dollarësh dy vjet më parë, por e kanë rrëzuar pjesën më të madhe të saj duke e rindërtuar. 

Adele u transferua në  Los Angeles  në vitin 2016 dhe më parë tha se e bëri këtë për të marrë më shumë për paratë e saj.  Por tetë vjet më vonë dhe pa asnjë shenjë se rinovimi i rezidencës së saj Rocky do të përfundojë së shpejti, a ka hequr dorë Adele nga ëndrra amerikane tani për tani?

Asistentja e Adelës, Rose Moon, u kthye në Britani të Madhe disa javë më parë dhe aktualisht po organizon kthimin e këngëtares gjithashtu, raportoi The Sun të enjten. 

Duke diskutuar për kthimin e megayllit në Londër, një burim tha: "Kjo është e gjitha pjesë e një kthimi më të gjerë në shtëpi dhe sapo shfaqjet e saj  në Las Vegas  të përfundojnë në nëntor, ajo ka thënë se do të kthehet. Rose tashmë është kthyer në Britani të Madhe dhe Adele do ta ndjekë atë. Ashtu si futbolli, duket se Adele po kthehet në shtëpi."