Dibër/ 29-vjeçari humb kontrollin e mjetit, përplas për vdekje këmbësorin
Nga OraNews Përditësimi i fundit 14 Korrik 2024, 13:18
Një person ka humbur jetën pasi është përplasur nga një automjet. Aksidenti ka ndodhur në Dibër.
Sipas policisë, 29-vjeçari me iniciale D.N. ka humbur kontrollin e mjetit që drejtonte dhe ka përplasur këmbësorin, i cili ndërroi jetë. Shoferi është shoqëruar në polici.
“Në rrugën dytësore të fshatit Kastriot, shtetasi D.N., 29 vjeç, duke drejtuar automjetin tip Ford, ka humbur kontrollin mbi drejtimin e mjetit dhe ka aksidentuar këmbësorin shtetasin D.Gj. ku për pasojë ka humbur jetën në spital. Drejtuesi i mjetit është shoqëruar në Komisariat, ndërkohë grupi hetimor po punon për zbardhjen e shkaqeve të aksidentit”, lexohet në njoftimin e policisë.
