Ministrat lituanezë nuk do të marrin pjesë në takimet e BE-së pas vizitës së Orbanit në Moskë
Nga OraNews Përditësimi i fundit 12 Korrik 2024, 17:42
Lituania nuk do të dërgojë përkohësisht ministra në Hungari për takimet e BE-së – pasi kryeministri hungarez Viktor Orban vizitoi së fundmi Rusinë pa u konsultuar me vendet e tjera anëtare të BE-së.
“Për momentin, ne thjesht kemi vendosur të kufizojmë pjesëmarrjen tonë në një nivel politik në Hungari”, tha sot kryetar i Komitetit të Punëve të Jashtme në parlamentin lituanez, në Vilnius.
Orban, kohët e fundit udhëtoi në Moskë për të vizituar liderin e Kremlinit, Vladimir Putin, pa u konsultuar me shtetet e tjera të BE-së, një veprim që tërhoqi kritika të forta nga shumë vende – përfshirë Lituaninë.
Që nga fillimi i korrikut, Hungaria mban presidencën e rradhës të Bashkimit Evropian, e cila ndryshon midis 27 vendeve anëtare të BE-së çdo gjashtë muaj.
Kjo do të thotë gjithashtu se Hungaria do të zhvillojë një sërë takimesh jozyrtare në Budapest – dhe do të mbledhë së bashku ministrat përkatës të departamenteve nga vendet e BE-së.
Sipas agjencisë BNS, Lituania nuk dëshiron të marrë pjesë në nivel ministror, por mund të dërgojë zëvendësministra.
“Nuk është vendosur ende nëse presidenti Gitanas Nauseda do të marrë pjesë në një samit jozyrtar të BE-së në Budapest”, citohet të ketë thënë një zëdhënës i kancelarisë presidenciale.
Suedia, gjithashtu njoftoi dje se do të merrte pjesë në takimet në Hungari gjatë korrikut – vetëm në nivel të nëpunësve civilë.
“Veprimet e Hungarisë kanë qenë të dëmshme dhe duhej të kishte pasoja”, tha ministrja suedeze për Çështjet e BE-së, Jessika Roswall.
“Finlanda, Estonia, Letonia dhe Polonia gjithashtu synojnë të reagojnë ndaj veprimeve të Orbanit në një mënyrë të ngjashme”, sipas Roswall.
