Ndarja nga jeta e Kadaresë/ Ambasada e BE: I përkthyer në 45 gjuhë, bëri jehonë në të gjithë Evropën dhe më gjerë

Nga OraNews Përditësimi i fundit 1 Korrik 2024, 13:56

“Lajm i trishtë nga Tirana sot”. Kështu e nis ambasada e BE-së në Tiranë njoftimin në llogarinë në “Facebook” për ndarjen nga jeta të shkrimtarit Ismail Kadare.

Lajm i trishtë nga Tirana sot.

Ismail Kadare, një kolos i letrave dhe zë i dashur i Shqipërisë, është ndarë nga jeta në moshën 88-vjeçare.

Zëri i tij i fuqishëm letrar, i përkthyer në 45 gjuhë, bëri jehonë në të gjithë Evropën dhe më gjerë, duke shfaqur kulturën e pasur dhe të larmishme shqiptare në mbarë botën. Proza e tij e mprehtë, depërtuese dhe gjithsesi mirëdashëse pasqyronte kompleksitetin e historisë dhe folklorit të Shqipërisë.

Ngushëllimet tona më të sinqerta për të dashurit e tij dhe të gjithë ata që e admiruan gjenialitetin e tij.
Trashëgimia e Kadaresë do të jetojë gjatë.