Debatik Curri "sulmon" mbrojtjen: S'është e fokusuar 100 %, Arbër Hoxha duhej të ishte në fushë jo Seferi. Ndaj Italisë nuk bëmë presion

Nga Drilon Xhepollari Përditësimi i fundit 20 Qershor 2024, 17:54

Për ish-futbollistin e Kombëtares shqiptare të futbollit, Debatik Curri gabimi i kuqezinjve në këtë Evropian u bë në ndeshjen ndaj Italisë.

I ftuar në emisionin “EURORA” në “Ora News”, Curri u shpreh ekipi u tërhoq shumë mbrapa.

“Gjithë mbrojtjen e bëmë në mënyrë zonale dhe nuk bëmë aspak presion ndaj kundërshtarit.

Debatik Curri "sulmon" mbrojtjen: S'është e fokusuar

Të kishim luajtur me Italinë ashtu siç luajtëm dje ndaj Kroacisë sot do të ishim shumë herë më mirë, pasi nuk është ajo Italia e mëparshme, pasi edhe vetë Kroacia ka lojtarë mbase më të mëdhenj se Italia, por normalisht që pësimi i golave ndodhi në një mënyrë shumë naive nga mbrojtësit.

Personalisht kam menduar se Arbër Hoxha do të ishte në ndeshje, por me futjen e Seferit nuk është se bëri ndonjë performancë të mirë.

Edhe kur pësuam golin e parë me Kroacinë mendoj se kishte më shumë zgjedhje më të mira për të bërë. Me pasime, ishin 2-3 lojtarë dhe normalisht është tregues që nuk jemi 100 % të fokusuar në fazën mbrojtëse”, u shpreh në analizën e tij Debatik Curri.

NDIQNI EMISIONIN E PLOTË “EURORA”