Murat Yakin, pas barazimit me Skocinë: Shaqiri jeton për momente të tilla...
Nga OraNews Përditësimi i fundit 20 Qershor 2024, 07:56
Murat Yakn nuk ka dashur të festojë kualifikimin e skuadrës së tij, pas barazimit të arritur ndaj Skocisë (1-1) në mbrëmjen e kësaj të mërkure në Këln, që pason një sukses të fituar të së shtunës ndaj hungarezëve (3-1).
Megjithatë, trajneri i Zvicrës e di se me 4 pikë, skuadra e tij praktikisht e ka fituar tashmë biletën për në 1/8: “Ka ende një ndeshje për t’u luajtur (kundër Gjermanisë, të dielën).
"Do të bëjmë gjithçka për t'u kualifikuar, duam të dalim nga ky grup. Sonte treguam se ishim gati për të luftuar, sepse nuk ishte një ndeshje e lehtë. Ne kemi bërë një hap të madh drejt kualifikimit”.
Tekniku vlerësoi cilësinë e kundërshtarit: “Skocia na krijoi një moment të vështirë... E dinim që ata ishin në dëshpërim që nga humbja ndaj Gjermanisë (1-5) dhe se do të reagonin ndaj nesh dhe kjo është ajo ata çfarë bënë. Skocezët na krijuan më shumë probleme sesa Hungaria. Ata patën raste të mira, por ne gjithashtu humbëm disa”.
Ndeshja u shoqërua edhe nga goli i shkëlqyer, i shënuar nga sulmuesi i saj, Xherdan Shaqiri në minutën e 26-të. “Ai ka dëshmuar se çfarë është i aftë, Shaqiri jeton për momente të tilla, tha Yakin. - Ishte një goditje klinike e pabesueshme. Në atë kohë, ishte e vetmja gjë që ai duhej të bënte, edhe nëse në atë kohë dy lojtarë kundërshtarë po përpiqeshin të ngushtonin hapësirën e tij.”
Edhe Manuel Akanji, i pranishëm në konferencën për shtyp, vlerësoi arritjen e shokut të skuadrës: “Ai shënoi një gol thelbësor... Nuk e di se sa lojtarë do të ishin në gjendje ta shënonin atë gol”.
