Koreja e Jugut pezullon paktin ushtarak me Korenë e Veriut mes tensioneve në rritje

Nga OraNews Përditësimi i fundit 4 Qershor 2024, 06:25

Këshilli i Sigurisë Kombëtare (NSC) i Koresë së Jugut është vendosur të shqyrtojë një propozim për të pezulluar plotësisht marrëveshjen ushtarake ndërkoreane të vitit 2018.

Sipas agjencisë së lajmeve Yonhap, duke cituar administratën presidenciale të Koresë së Jugut, marrëveshja do të mbetet e pezulluar derisa të rikthehet besimi midis Seulit dhe Phenianit.

Marrëveshja ndër-koreane, e nënshkruar më 19 shtator 2018, përfshinte masa për uljen e tensioneve ushtarake, siç është krijimi i zonave tampon në zonat kufitare.

Megjithatë, në nëntor 2023, Koreja e Jugut njoftoi një tërheqje të pjesshme nga marrëveshja në përgjigje të lëshimit të satelitëve zbulues nga Koreja e Veriut.