Një tjetër Thuram në Itali? Juventus synon vëllanë e Marcusit
Nga OraNews Përditësimi i fundit 3 Qershor 2024, 21:12
Juventusi po punon për të përforcuar repartin e mesfushës në merkaton e kësaj vere.
Sipas raportimeve të medieve italiane, përveç daljeve, drejtuesit e “Zonjës së Vjetër” janë shumë të fokusuar te afrimet.
“Bardhezinjtë” synojnë që sezonin e ardhshëm të kenë në skuadër Khephren Thuram, vëllanë e lojtarit të Inter-it, Marcus.
Kontrata e mesfushorit francez me Nice skadon vitin e ardhshëm, ndërsa kartoni i tij vlerësohet në rreth 25 milionë euro, një shifër e përballueshme nga Juventus-i.
Megjithatë, gara për Khephren Thuram pritet të jetë goxha e vështirë, pasi interes për mesfushorin e Nice kanë shfaqur edhe Milan në Itali dhe Liverpool në Angli.
