Optimizëm për paqe në Gaza! SHBA pret që Izraeli të japë “OK” për armëpushim nëse Hamasi pranon! Egjipti refuzon ushtrinë Izraelite në pikën kufitare të Rafah

Nga Katerina Hysenllari Përditësimi i fundit 3 Qershor 2024, 14:49

Shpresat për një armëpushim në Gaza janë rikthyer. Izraeli ka sjellë një propozim në tryezë që Hamas e sheh si pozitiv.

Sekretari Amerikan i Ahtetit, Antony Blinken , po i kërkon Izraelit dhe Hamasit të bien dakord për një armëpushim dhe marrëveshje pengjesh mes njëri tjetrit.

Blinken thirri anëtarin e kabinetit të luftës izraelite Benny Gantz dhe ministrin e mbrojtjes të vendit, Yoav Gallant, për të diskutuar marrëveshjen, tha departamenti i shtetit në dy deklarata

Hamasi ka thënë se “e sheh pozitivisht” atë që presidenti amerikan, Joe Biden , e përshkroi si një propozim izraelit.

Ndërkohë, luftimet kanë vazhduar teksaa janë raportuar qindra sulme ajrore e tokësore brenda 24 orëve të fundit.

Egjipti ka refuzuar praninë e ushtrisë izraelite në pikën kufitare Rafah midis Gadishullit Sinai të Egjiptit dhe Rripit të Gazës.

Është e vështirë për vendkalimin në Rafah që të vazhdojë të funksionojë pa një administratë palestineze tha minsitri i jashtëm i Egjiptit, në një konferencë shtypi me homologun e tij spanjoll në Madrid.

Ndërsa Egjipti lehtësoi hyrjen e ndihmave përmes kalimit Kerem Shalom në fund të majit, rihapja e Rafahut është thelbësore pasi agjencitë humanitare paralajmërojnë për urinë e afërt në Gaza .

Ndërkohë Ministria e Jashtme e Izraelit ka rekomanduar që qytetarët të mos udhëtojnë në Maldive pasi qeveria e tyre ndaloi hyrjen e vizitorëve me pasaporta izraelite.

Ndërsa Ministri i Jashtëm në detyrë i Iranit mbërriti në Liban të hënën, në vizitën e tij të parë zyrtare diplomatike që kur paraardhësi i tij vdiq në një aksident me helikopter muajin e kaluar.

Qëllimi i takimit sipas mediave lokale është diskutimi për mënyrat se si do t'iu përgjigjen shtetet respektive ofensivës në vazhdim të Izraelit në Gaza.

Kjo e fundit ishte streha e rreth gjysmës së 2.3 milionë banorëve të territorit përpara se Isreali të niste ofensivën e tij në zonë muajin e kaluar.