Pas zjarrit përfundojnë punimet në Urgjencën e QSUT/ Javën e parë të qershorit pritet të ofrojë kapacitet të plotë
Nga OraNews Përditësimi i fundit 31 Maj 2024, 11:36
Përfundojnë punimet në Urgjencën e Sëmundjeve të Brendshme në spitalin qendror në QSUT pas zjarrit të ndodhur në këtë institucion.
Mësohet se se kanë nisur testimet e nevojshme që me gjasë në javën e parë të muajit qershor urgjenca dhe i gjithë spitali qendror të ofrojnë shërbim shëndetësor me kapacitet të plotë.
Më 11 shkurt të këtij viti një shkëndijë elektrike në një nga dhomat teknike në katin e 2-të dëmtoi të gjithë sistemin elektrik çka bëri të pezullohet puna në spitalin e ri.
Nga ana tjetër prokuroria e Tiranës po vijon hetimet për të provuar dhe faktuar shkakun e vërtetë të ngjarjes.
