“Mall për Çamërinë” - Këngëtari Hysni Alushi: Më mirë të flas duke kënduar. Është pasioni im i hershëm
Nga Lili Saraçi Përditësimi i fundit 15 Maj 2024, 09:43
Këngëtari me prejardhje nga Çamëria, Hysni Alushi ishte i ftuar në studion e lajmeve në “Ora News” këtë të mërkurë, ku foli për muzikën dhe karrierën e tij.
Në intervistën e tij këngëtari foli për projektet e reja, por dhe copëza jete nga karriera e tij muzikore.
“Nuk dal shpesh në intervista, por jam gjithmonë i mendimit që më mirë të flas duke kënduar. Muzikën dhe këngën e kam të trashëguar nga babai im, pasi ai këndonte bukur polifoniken.
Kënga është pasioni im i hershëm dhe tashmë këndojmë në duete edhe me mbesën Enkelejda Alushin (Arifi).
Bashkëpunimi ka qenë shumë i frytshëm dhe në më të shumtën e rasteve tanimë jemi bashkë në çdo event ku marrim pjesë.
Sezoni i verës ka aktivitetet e veta, ku nga muaji qershor jemi të ftuar në evente të shumta, edhe familjare.
Unë kam dy vajza dhe një djalë, jam tre herë gjysh dhe jam krenar për këtë”, u shpreh ndër të tjera këngëtari Hysni Alushi.
