PAMJET/ Detaje rrëqethëse nga pengmarrja në Durrës: Fëmijët qanin dhe i luteshin babait të dorëzohej. Fjalët e para të 40-vjeçarit pas arrestimit: Qëllova se…
Nga OraNews Përditësimi i fundit 15 Maj 2024, 08:31
Zbardhen të tjera detaje në lidhje me ngjarjen e rëndë që ndodhi te Shkëmbi i Kavajës në Durrës, ku një baba mbajti për disa orë peng në banesë dy fëmijët e tij të mitur.
Pas disa orësh negociatash, u arrit që Aleks Marku të dorëzohej, ndërsa gjatë gjithë kohës RENEA punoi për ta bindur që ai të mos qëllonte më.
Ndërkohë, dramatike ishte dhe fakti se gjatë negociatave mes RENEA-s dhe 40-vjeçarit, dëgjoheshin fëmijët që qanin dhe i luteshin babait të tij që të dorëzohej te autoritetet.
Sakaq, kur Marku ka pranuar të hapë derën dhe të shoqërohet nga policia, në gjendje të rënduar psikologjike ka dëshmuar se qëllonte nga dritarja se priste se do ta sulmonin disa persona, por pa treguar se kush.
Ai mësohet se ka qëlluar mbi 15 herë nga dritarja e ballkonit, ndërsa shenjat e plumbave ishin të dukshme në shtëpinë që ai kishte marrë me qira.
