Trajneri i Sivasspor vlerëson Manajn: Lojtar unik, ka një talent që ia ka dhënë Zoti

Nga OraNews Përditësimi i fundit 28 Prill 2024, 00:35

Bylent Ujgun, trajneri i Sivasspor, nuk i kurseu fjalët e mira për sulmuesin Rei Manaj, i cili realizoi sot ndaj Konyaspor.

“Rei Manaj shënoi këtë gol që na dha tre pikë dhe tregoi dëshirën tonë për të shkuar në Europë. Ai i bie topit si të ishte duke garuar me raketa.

Ai ka një talent që ia ka dhënë Zoti dhe e gjuan topin shumë mirë. Ai është një lojtar special dhe i veçantë, por për fat të keq Manaj përballet me shumë faulle në fushë”, theksoi tekniku.

Ai u pyet më pas për zërat që shohin Manajn në negociata me Gallatasarajin për t’u transferuar atje në verë.

“Unë po mundohem të takohem me të gjithë në skuadër sa u përket transferimeve brenda vendit.

Në ekipin tonë nuk mund të ketë takime për transferime nga asnjë prej lojtarëve që janë nën kontratë, edhe po erdhi vetë mbreti” – tha ai.