"Poker" Dusseldorfit, Bayer Leverkusen siguron lehtësisht finalen e Kupës së Gjermanisë
Nga OraNews Përditësimi i fundit 3 Prill 2024, 22:41
Bayer Leverkusen-Kaiserslautern do të jetë finalja e Kupës së Gjermanisë.
“Aspirinat” nuk hasën probleme përballë Fortuna Dusseldorfit që garon në Bundesliga 2.
Kundërshtar të cilin e mposhtën 4-0.
Djemtë e Xabi Alonsos zgjidhën gjithçka në pjesën e parë, fraksion ku realizuan tri herë.
Me Jeremie Frimpong, Amine Adli dhe Florian Wirtz.
Ky i fundit festoi sërish në minutën e 60’, moment kur u tregua i saktë nga pika e bardhë.
Bayer Leverkusen po zhvillon një sezon të jashtëzakonshëm.
Titulli i parë në histori është shumë afër (+13 me Bayernin), ndërkohë që është një hap larg fitimit të Kupës së Gjermanisë.
Skuadra e Xabi Alonsos është edhe një nga pretendentët për triumfin në Europa League.
Turne ku do të sfidojë anglezët e West Hamit për një biletë në gjysmëfinale.
