Disfata e Erdogan, Berisha: Vota në Turqi nuk preket, turqit votuan të lirë
Nga OraNews Përditësimi i fundit 1 Prill 2024, 20:45
Diplomati dhe ish-konsulli i Stambollit, Mal Berisha në një intervistë në Ora News u shpreh se vota në Turqi nuk preket dhe se Erdogan edhe pse i cilësuar si një autokrat nuk ka shkuar aq larg sa të prekë votën.
Berisha: Kur Erdogani është zgjedhur kryetar i bashkisë së Stambollit, unë kam qenë prezent.
Është një nga momentet më mbreslënëse të punës time të asaj periudhe.
Bashkia e Stambollit është shumë e rëndësishme, jo vetëm për ngarkesën e madhe historike që ka si qytet.
Ky është një ushtrim perfekt i demokracisë.
Vota në Turqi nuk preket.
Sa do që është një vend i drejtuar nga një njeri një autokrat.
Erdogan është një politikan i fortë dhe shumë i vendosur por nuk ka vajtur deri aq larg sa të prekë votën.
Turqit kanë votuar të lirë.
