365 ditë në Mars? NASA tashmë e lejon diçka të tillë dhe është në kërkim të vullnetarëve

Nga OraNews Përditësimi i fundit 19 Shkurt 2024, 18:09

NASA po bën thirrje që vullnetarët të jetojnë në një koloni të simuluar të Marsit për një vit të tërë. Misioni me bazë në Tokë do të nisë në fillim të vitit 2025 dhe do të ketë një ekuipazh prej katër personash që jetojnë brenda një objekti prej 157 metrash katrorë ashtu si ai që do të ndërtohej në Mars.

Nasa ka zbuluar kriteret për astronautët e saj të ardhshëm dhe paralajmëron se nuk mund të jeni më i madh se 55 vjeç. Habitati ku do të jetoni quhet ‘Mars Dune Alpha’ dhe është një strukturë e printuar në 3D brenda Qendrës Hapësinore John në Hjuston, Teksas.

"Jeta në Mars Dune Alpha do të ngjajë me përvojën e pritur për ata që do të jetojnë në një habitat të ardhshëm sipërfaqësor të Marsit," shpjegon NASA. "Paraqitja e habitatit të printuar 3D është projektuar për të siguruar zona të veçanta brenda habitatit për të jetuar dhe punuar."

Nasa tha se do t'ju duhet të duroni sfida, si dështimet e pajisjeve, vonesat e komunikimit dhe stresuesit mjedisorë misteriozë. Dhe do të keni për detyrë të bëni shëtitje të simuluara në hapësirë, të përdorni robotë, të mirëmbani habitatin, të rritni të korrat dhe të ushtroheni. Për të aplikuar, do t'ju duhet të jeni një qytetar i motivuar ose banor i përhershëm i SHBA. Nasa pranon vetëm ata kanditatë që nuk pijnë duhan dhe ata që janë nga mosha 30 deri në 55 vjeç. Kandidatët duhet të jenë të aftë në anglisht që të mund të komunikojnë në mënyrë efektive me shokët e ekuipazhit dhe kontrollin e misionit.

Dhe NASA thotë: Aplikantët duhet të kenë një dëshirë të fortë për aventura unike, shpërblyese dhe interes për të kontribuar në punën e NASA-s për t'u përgatitur për udhëtimin e parë njerëzor në Mars.

Ekzistojnë gjithashtu disa kërkesa teknike për të marrë vendin e punës. Nasa shpjegon: "Kërkohet një diplomë master në një fushë STEM si inxhinieri, matematikë ose shkenca biologjike, fizike ose kompjuterike nga një institucion i akredituar me të paktën dy vjet përvojë profesionale STEM ose minimum disa orë pilotimi i një avioni. Fatmirësisht, puna juaj e palodhur nuk do të mbetet pa shpërblim, NASA tha se do të kompensojë këdo që merr pjesë në mision. Afati i fundit për të aplikuar për mision është e marta, 2 prill.