Diku: Komisioni Europian ka bërë një marrëveshje të gjelbër, ku synohet ulja me 90% e emetimeve të gazrave serë
Nga OraNews Përditësimi i fundit 17 Shkurt 2024, 16:14
Ambientalisti Abdullah Diku i ftuar në emisionin ‘’Alert’’ në Ora News foli për propozimin e komisionit europian për uljen prej 90% të emetimeve të gazrave në BE deri në vitin 2040 dhe a do ndikojnë këto masa në reduktimin e prodhimit të ushqimit.
Diku: Këto janë masa të derivuara nga ajo që quhet marrëveshje e gjelbër.
Komisioni Europian e ka derivuar këtë në vitin 2020 ka bërë një marrëveshje të gjelbër për BE që fokusohet në disa linja kryesore.
Së pari dekarbonizimi, pra synohet ulja me 90% e emetimeve të gazrave serë.
Industritë, transporti do të modernizohen duke përdorur burime të rinovueshme energjie.
Në vitin 2050 synohet që bilanci i gazrave serë të jetë neutral.
