VIDEO/ Shaqiri “çmend” amerikanët, shënon super gol nga goditja e dënimit
Nga OraNews Përditësimi i fundit 15 Shkurt 2024, 14:00
Xherdan Shaqiri po përgatitet me Chicago Fire për nisjen e sezonit të ri në MLS. Skuadra amerikane zhvilloi një takim miqësor përballë Minesotta United, të cilin e fitoi 4-0. Dhe një nga golat e realizoi Shaqiri.
Ishte minuta e 75-të kur lojtari i kombëtares së Zvicrës realizoi një gol shumë të bukur nga goditja e dënimit.
Shaqiri gjeti cepin e trekëndëshit, duke shënuar një eurogol. Lojtari me origjinë shqiptare është pjesë e Chicago Fire prej shkurtit të vitit 2022.
Fokusi i madh është Euro 2024, që do të organizohet gjatë verës në Gjermani. Shaqiri numëron 119 ndeshje dhe 29 gola me kombëtaren e Zvicrës.
