Finlanda njoftoi se do të zgjasë mbylljen e kufirit me Rusinë: Siguria kombëtare është një çështje kritike...
Nga OraNews Përditësimi i fundit 12 Janar 2024, 07:01
Finlanda do të zgjasë mbylljen e kufirit të saj me Rusinë përtej 14 janarit.
Qeveria do të mbyllë të tetë pikat e kontrollit përgjatë kufirit lindor me Rusinë të paktën deri më 11 shkurt, tha Ministrja e Brendshme Mari Rantanen në një konferencë për shtyp.
Rantanen tha se asgjë nuk ka ndryshuar në kufi që kur u mbyll në dhjetor.
“Siguria kombëtare është një çështje kritike për Finlandën,” tha ajo.
Ajo vuri në dukje se ministria e saj aktualisht po heton mënyra alternative për zgjidhjen e përhershme të situatës në kufi.
Kryeministri Petteri Orpo tha të martën se vlerësimi i kërcënimit, i cili çoi në mbylljen e kufirit në dhjetor, ka mbetur i pandryshuar.
Finlanda njoftoi një mbyllje të plotë të kufirit me Rusinë në dhjetor, duke pretenduar se autoritetet ruse po vazhdojnë një “operacion hibrid” kundër vendit.
