Hamasi: Izraeli po gërmon varrin e tij në Gaza
Nga OraNews Përditësimi i fundit 5 Janar 2024, 10:17
Khaled Mashal, një zyrtar i lartë i Hamasit, ka paralajmëruar se Izraeli po gërmon varrin e tij me luftën kundër grupit terrorist me bazë në Gaza.
Këtë e raporton “Times of Israel”, duke saktësuar se Mashal flet disa ditë pas vrasjes së supozuar izraelite të kreut të Hamasit në Bejrut të Libanit, Saleh al-Arouri.
Mashal tha se grupet palestineze të “rezistencës” vetëm do të forcohen përballë luftës kundër Hamasit.
Lufta në Lindjen e Mesme arriti ditën e 91-të. Shpërthimet në Kerman të Iranit, të cilat shkaktuan të paktën 84 të vdekur, i janë atribuar ISIS nga gjyqësori iranian.
Më pas, me një postim në Telegram të cituar nga Al Arabiya në internet, Shteti Islamik mori përgjegjësinë dhe u bëri thirrje mediave sociale që “të godasin hebrenjtë dhe të krishterët kudo”.
Dy raketa antitank u lëshuan nga Libani, njëra prej të cilave goditi një shtëpi në qytetin izraelit Metula. Nasrallah, udhëheqësi i Hezbollahut u shpreh:
“Vrasja e numrit dy të Hamasit në Liban, Al Arouri është një agresion i qartë izraelit.”
Ndërkohë, Sekretari Amerikan i Shtetit Blinken fluturon për në Lindjen e Mesme me synimin për të marrë një rritje të menjëhershme të ndihmës për Gazën.
