31 persona rrëmbehen rrugës për në kufirin e SHBA
Nga OraNews Përditësimi i fundit 3 Janar 2024, 13:11
Të shtunën, 31 të huaj u rrëmbyen të në Meksikën veriore teksa po udhëtonin me autobus për në një qytet që kufizohet me Shtetet e Bashkuara, tha të martën një zëdhënës i autoriteteve të sigurisë shtetërore.
Shoferi raportoi se ai ishte përgjuar nga pesë automjete dhe se 31 nga 36 pasagjerët ishin rrëmbyer, tha zëdhënësi i Ministrisë së Sigurisë shtetërore Tamaulipas, Jorge Cuejar për rrjetin televiziv Milenio group.
Të rrëmbyerit “janë të huaj”, ndërsa pesë pasagjerët e tjerë janë meksikanë, sqaroi ai.
Autobusi ishte nisur nga Monterrey, një qytet industrial në Meksikën veriore, dhe kishte një destinacion përfundimtar në Matamoros, një qytet kufitar përmes të cilit shumë emigrantë përpiqen të kalojnë në Brownsville (Texas).
Presidenti meksikan Andrés Manuel López Obrador tha dje gjatë konferencës së tij të zakonshme për shtyp në mëngjes se autoritetet kanë nisur hetimet që nga e shtuna.
Midis tetorit 2022 dhe shtatorit 2023, sipas Patrullës Kufitare të SHBA-së (CBP), ka pasur një rekord prej 2.4 milionë arrestimesh të emigrantëve që mbërrinin me rrugë tokësore në SHBA.
Kufiri SHBA-Meksikë tani është “rruga më e rrezikshme e migracionit tokësor në botë”, me 686 të vdekur ose të zhdukur, sipas një raporti të Organizatës Ndërkombëtare për Migracionin (IOM) të publikuar në shtator.
Sekretari amerikan i Shtetit Anthony Blinken vizitoi Meksikën gjatë javës së Krishtlindjeve për bisedime me Presidentin Lopez Obrador mbi çështjen e imigracionit. Presidenti meksikan foli pas takimit të “marrëveshjeve të rëndësishme” në nivel dypalësh, pa dhënë detaje të tjera.
