Tronditet bota e futbollit, lojtari 25-vjeçar ndërron jetë në Gjermani
Nga OraNews Përditësimi i fundit 29 Nëntor 2023, 17:14
Bota e futbollit tronditet sërish nga një ngjarje e rëndë. Futbollisti Agyemang Diawusie ka ndërruar jetë në moshën 25-vjeçare pasi në ndeshjen e tij të fundit me skuadrën e kategorisë së tretë në Gjermani, Jahn Regensburg, është ankuar te mjekët se kishte pasur probleme në frymëmarrje.
Lajmi është konfirmuar nga skuadra gjermane, ndërsa në reagim shkruhej se ai ka ndërruar jetë për “shkaqe natyrore”. Në të kaluarën, futbollisti ka luajtur edhe me RB Leipzig, ndërsa ka qenë pjesë e moshave të Gjermanisë nga U-15 deri te U-19.
Ndeshja e tij e fundit ishte më 4 nëntor kundër Mynihut 1860, ku ai u zëvendësua në minutën e 39 pasi kishte probleme në frymëmarrje.
“Kë të martë, Jahn Regensburg mori lajmin e tmerrshëm se futbollisti ynë Agyemang Diaëusie ka ndërruar jetë. Jemi të tronditur dhe thellësisht të pikëlluar nga kjo ngjarje”, shkroi klubi gjerman për ngjarjen e rëndë.
