ka dhe kështu/ Shoferi i autobusit lë punën në mes të udhëtimit, nxënësit e shkollës i zbret në rrugë

Nga OraNews Përditësimi i fundit 13 Nëntor 2023, 11:59

Disa prindër iu deshën të merrnin fëmijët e tyre në mes të rrugës pasi një shofer autobusi u largua nga puna në mes të udhëtimit të tyre për në shtëpi. Nxënësit nga Kingston Maurward College dhe Dorset Studio School po udhëtonin nga Dorchester në Bournemouth kur shoferi vendosi që t’i linte në mes të rrugës.

Prindërit që gjurmonin fëmijët e tyre në një aplikacion panë se autobusi, i cili tashmë ishte prishur gjatë udhëtimit dhe ishte zëvendësuar nga një tjetër, ishte ndalur rreth orës 18:30 të së mërkurës.

Një nënë e shqetësuar tha se djali i saj i tha se nxënësit duhej të zbrisnin në një rrugë të ngarkuar, duke nxitur shqetësimet e prindërve. Shërbimi për dy shkollat drejtohet nga një operator i transportit që prej muajit shtator, ka pasur probleme të shumta.

Një prind tha se ishte hera e tretë këtë sezon që autobusi ishte prishur dhe shoferi tha se u largua për shkak të shqetësimeve për mjetet e transportit. Kompania tha se kurrë nuk ka lënë fëmijë pa mbikëqyrje.

Disa prindër shkuan për të marrë fëmijët e tyre, pasi shoferi njoftoi një menaxher se nuk dëshironte të punonte më për kompaninë.

Një nënë e shqetësuar tha: ‘Kjo është hera e tretë që autobusi 703 prishet dhe më bën të pyes veten nëse autobusët janë të përshtatshëm për këtë qëllim. Drejtori i Kolegjit Kingston Maurward, Luke Rake tha se shoferi u tërhoq pranë depos më të afërt të autobusit dhe menaxheri në depo nxitoi për të zëvendësuar shoferin. Ai tha se 95 për qind e rrugëve ‘drejtohen si me orë’, por pranoi se kishte pasur probleme me shërbimet 701 dhe 703.