Panik për Neymar! Banda tenton të rrëmbejë vajzën 1-muajshe, marrin peng prindërit e ish-partneres...

Nga OraNews Përditësimi i fundit 8 Nëntor 2023, 10:56

Një bandë kriminale ka tentuar të rrëmbejë foshnjën e porsalindur të Neymar. Tre persona janë hyrë në banesën e Bruna Biancardi, në Cotia, në shtetin e Sao Paulos, për të rrëmbyer vajzën 1 muajshe të ish-çiftit, por në shtëpi kanë gjetur vetëm prindërit e saj.

Ata kanë marrë peng prindërit e infuencueses braziliane dhe i kanë lidhur, duke u mbyllur edhe gojën. Pasi kanë marrë sende me vlerë dhe para, janë larguar.

Sipas policisë një prej autorëve është arrestuar dhe banonte në kompleksin ku kishte banesën Bruna Biancardi. Autorët janë identifikuar nga automjeti që kanë përdorur për të kryer tentiativën për rrëmbim.

Dy nga të dyshuarit ishin të armatosur dhe po kërkonin Bruna Biancardin dhe Mavie, ish-partneren dhe vajzën e sulmuesit.

Fqinjët njoftuan policinë pasi vunë re se diçka e çuditshme po ndodhte në shtëpi.

Agjentët rrethuan banesën dhe arritën të arrestojnë një 20-vjeçar, i cili ishte fqinj i influenceres. Të tjerët u arratisën me çanta luksoze, ora dhe stoli.

Bruna Bianciardi kishte festuar ardhjen në jetë të vajzës së saj, Mavie, vetëm disa orë më parë, ndëraa Neymar kishte publikuar një foto në Instagramin e tij me vogëlushen në të njëjtën ditë.

Pas ngjarjes Bruna Biancardi reagoi në një postim në rrjetin social ku u shpreh se nuk ishte në banesë në momentin që prindërit e saj u morën peng.