Dhunoi djalin e tij, arrestohet 56-vjeçari në Durrës. Në pranga edhe 2 të tjerë për vepra të ndryshme penale
Nga OraNews Përditësimi i fundit 2 Nëntor 2023, 14:10
Janë arrestuar në flagrancë 3 shtetas në Durrës për vepra të ndryshme penale. Një 56 vjeçar u arrestua pasi ushtroi dhunë ndaj djalit të tij. Ndërsa një 22 vjeçari policia i gjeti një sasi kokaine.
Njoftimi i policisë Durrës:
Durrës/Arrestohen në flagrancë 3 shtetas, për vepra të ndryshme penale.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin D. S., 56 vjeç, banues në Durrës, pasi ka ushtruar dhunë ndaj djalit të tij.
Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin R. B., 44 vjeç, banues në Rrogozhinë, pasi gjatë kontrollit nga shërbimet e Policisë, nuk është gjetur në banesë, duke thyer masën e sigurisë “Arrest në shtëpi”, të caktuar nga Gjykata, për dhunë në familje.
Po nga këta specialistë u arrestua në flagrancë shtetasi F. K., 22 vjeç, banues në Rrogozhinë, pasi gjatë kontrollit në automjetin që drejtonte, shërbimet e Policisë gjetën dhe sekuestruan një sasi të vogël lënde narkotike kokainë dhe një fishek luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
