Biden merr në konsideratë një vizitë në Izrael
Nga OraNews Përditësimi i fundit 16 Tetor 2023, 13:26
Presidenti amerikan, Joe Biden po shqyrton një udhëtim në Izrael në ditët në vijim, njoftoi media amerikane, pas sulmeve në shkallë të gjerë ndaj Izraelit nga organizata militante palestineze Hamas fundjavën e kaluar.
SHBA dhe Izraeli po diskutojnë një vizitë të Bidenit në javën e ardhshme, raportuan mediet, përfshirë ”Axios” dhe transmetuesin CNN.
”Kryeministri izraelit Benjamin Netanyahu e ftoi Biden në Izrael gjatë një bisede telefonike të shtunën”, tha ”Axios”.
Ende nuk është marrë një vendim përfundimtar.
“Nuk kemi asnjë udhëtim të ri për të njoftuar”, tha CNN duke cituar zëdhënësen e Këshillit të Sigurisë Kombëtare, Adrienne Watson.
Më 7 tetor, Hamasi lëshoi mijëra raketa drejt Izraelit, ndërsa qindra luftëtarë të tij thyen mbrojtjen kufitare në një sulm të paprecedentë të befasishëm.
Masakra la më shumë se 1 300 të vdekur, duke përfshirë 286 ushtarakë dhe gra.
”Një javë pas fillimit të konfliktit të fundit, numri i të vdekurve në Rripin e Gazës është rritur në 2 670”, tha Ministria e Shëndetësisë në Gaza. ”Rreth 9 200 të tjerë u plagosën”, shtoi ajo.
