Vrasja e policit në Kosovë, Meta: Ngjarja e rëndë tregon domosdoshmërinë e sundimit të ligjit
Nga OraNews Përditësimi i fundit 24 Shtator 2023, 09:15
Kreu i Partisë së Lirisë, Ilir Meta ka reaguar për vrasjen e policit në veri të Kosovës.
Përmes një postim në Facebook, Meta ka dënuar sulmin kriminal ndaj Policisë së Kosovës, teksa ka theksuar gjithashtu se kjo ngjarje e rëndë dhe e përsëritur tregon domosdoshmërinë e sundimit të ligjit në Kosovë.
“Partia e Lirisë dënon sulmin kriminal ndaj Policisë së Kosovës në Leposaviq me pasojë vrasjen e një punonjësi policie dhe plagosjen e një tjetri. Kjo ngjarje e rëndë dhe e përsëritur tregon domosdoshmërinë e sundimit të ligjit.
Mbështesim Policinë dhe autoritetet e Kosovës për të garantuar sigurinë publike dhe ndëshkuar autorët e kësaj ngjarje kriminale”, ka shkruar Meta.
