VIDEO/ Blinken në Ukrainë, Rusia nuk ndal sulmet, 16 të vdekur

Nga OraNews Përditësimi i fundit 6 Shtator 2023, 15:23

Të paktën 16 persona përfshirë një fëmjë janë vrarë në një sulm me raketa ruse në qytetin ukrainas Kostyantynivka. Volodymyr Zelenskyy tha se të paktën 20 të tjerë u plagosën në sulmin në qytetin Kostiantynivka në Donetsk.

Ai paralajmëroi se numri i viktimave mund të rritet. Sulmi ndodhi disa orë pasi sekretari amerikan i shtetit mbërriti në Kiev për një vizitë të papritur. 

Kostyantynivka, në rajonin lindor të Donetsk është shumë pranë vijës së frontit.

“Kjo e keqe ruse duhet të mposhtet sa më shpejt të jetë e mundur”, shtoi Zelensky.

Presidenti ukrainas tha se një treg, dyqane dhe një farmaci ishin goditur nga raketat ruse.