"Shuhet" Shqipëria, Peleshi: S'ka asnjë vatër zjarri në vend. Situata në grumbullimin e plehrave në Elbasan, në monitorim
Nga OraNews Përditësimi i fundit 28 Gusht 2023, 10:40
Shuhen të gjitha vatrat zjarrit në vend. Ministri Niko Peleshi ka bërë me dije se aktualisht nuk ka asnjë vatër zjarri aktive.
Lidhur me zjarrin që përfshiu fushën e plehrave në Elbasan. ministri Peleshi theksoi se pas angazhimit maksimal, zjarri u shua plotësisht duke theksuar se situata po monitorohet nga forcat zjarrfikëse të bashkisë së këtij qyteti.
"Të shtata vatrat e zjarrit që ditën e djeshme përfshinë zona të ndryshme të vendit janë shuar dhe aktualisht nuk kemi asnjë vatër aktive në vend, pavarësisht temperaturave të larta.
Në fshatin Krastë, në bashkinë e Krujës, të gjitha vatrat që ishin aktive janë shuar.
Puna intensive dhe angazhimi maksimal bëri të mundur shuarjen përfundimtare të flakëve edhe në vendgrumbullimin e mbetjeve urbane, në Elbasan. Situata po monitorohet nga forcat e zjarrfikëses së bashkisë së këtij qyteti.
Të gjithë strukturat e mbrojtjes civile në nivel vendor dhe qendror mbeten në gatishmëri të plotë", shprehet ministri i Mbrojtjes, Niko Peleshi.
